अल नासरले साउदी प्रो लिगमा खराब सुरुवात गरेको छ । उसले नयाँ सिजनको पहिलो खेलमा अल-एत्तिफाकसँग २–१ को हार बेहोर्यो ।
गएराति सम्पन्न खेलमा एत्तिफाकको जितमा रोविन कुइसन र मौसा डेम्बेलेले १/१ गोल गरे । अल नासरका लागि साडियो मानेको नाममा १ गोल रह्यो ।
खेलमा मानेले चौथो मिनेटमै नासरलाई सुरुआती अग्रता दिलाएका थिए । खेलको ४७औँ मिनेटमा रोविन कुइसनले गोल गर्दै खेललाई १–१ को बराबरीमा ल्याए । ५३औँ मिनेटमा मौसा डेम्बेलेले विजयी गोल गरे ।
एत्तिफाकविरुद्ध कप्तान क्रिस्टियानो रोनाल्डोले खेलेनन् । अरब कपको फाइनलमा घाइते भएका कारण उनले प्रो लिगको पहिलो खेल नखेलेका हुन् ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
0
