न्याय परिषद्को सदस्यमा नेपाल बार एसोसिएसनका तर्फबाट वरिष्ठ अधिवक्ता रामप्रसाद श्रेष्ठको नाम सिफारिस गरेको छ । श्रेष्ठ यसअघि पनि न्याय परिषदमा सदस्य भइसकेका व्यक्ति हुन् ।
बारको कार्यसमिति बैठकले शनिबार श्रेष्ठको नाम सिफारिस गरेको हो । संसदीय सुनुवाइ समितिले अनुमोदन गरेमा उनी ४ वर्षका लागि परिषद्को सदस्य हुनेछन् ।
अघिल्लो कार्यकालमा श्रेष्ठलाई नयाँ संविधान बनेपछि कार्यकाल पूरा नगर्दै पदमुक्त गरिएको थियो । पछि बारले रामप्रसाद सिटौलालाई सिफारिस गरेको थियो ।
गत असोजमा सिटौलाले अवकाश पाएपछि रिक्त सदस्यमा दोस्रोपटक श्रेष्ठलाई सिफारिस गरिएको हो ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
0
