कांग्रेसलाई कसैको बैशाखीको आवश्यकता छैन : शेखर कोइराला

नेपाली कांग्रेसका नेता शेखर कोइरालाले कांग्रेसलाई आगामी निर्वाचनमा कसैको बैशाखीको आवश्यकता नपर्ने बताएका छन् । बुधबार नेपाल विद्यार्थी संघ उपत्यकाका क्याम्पस एकाइहरुको संयुक्त आयोजनामा काठमाडौंमा आयोजित एक विचार गोष्ठीमा बोल्दै उनले यस्तो बताएका हुन् । 

‘स्थानीय निर्वाचनमा नेविसंघको भूमिका र पार्टीको दायित्व’ विषयक विचार गोष्ठीमा उनले निर्वाचनमा कांग्रेस एक्लै लडे पनि गन्तव्यमा पुग्न सक्ने बताए । केन्द्रीय समितिको बैठकको निर्णयविपरीत गठबन्धनका शीर्ष नेताहरुको बैठक बसेर जिल्लामा निर्णय पठाइएको भन्दै उनले आपत्ति जनाए । 

३६ लाख नयाँ मतदाता थपिएको उल्लेख गर्दै उनले नयाँ मतदातालाई कांग्रेस बनाउन नसकेमा कांग्रेस कमजोर हुने बताए । कांग्रेसका कार्यकर्ताले अर्को पार्टीमा स्वस्तिक चिह्न लगाउनुपर्ने अवस्था आएकाले यसको लेखाजोखा निर्वाचनपछि गर्ने उनले बताए ।

उनले नेपाली कांग्रेसका उम्मेदवारलाई जिताउन घर–घरमा जान पनि विद्यार्थीहरुलाई आग्रह गरे । 





  • प्रकाशित मिति : बैशाख ७, २०७९ बुधबार १७:४८:३०

फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।



यस विषयसँग सम्बन्धित समाचार

यो सामग्री सेयर गर्नुहोस्

यो सामग्री सेयर गर्नुहोस्

यो पनि नछुटाउनुहोस्
मल्टिमिडिया