संयुक्त राष्ट्रसंघको केन्द्रिय आकस्मिक प्रतिकार्य कोष (सिइआरएफ)ले नेपालका बाढी प्रभावित समुदायलाई ४० करोड ३२ लाख अमेरिकी डलर (करिब ४० करोड रुपैयाँ) प्रदान गरेको छ ।
सिइआरएफले उक्त सहयोग अक्टोबर ७ का दिन नेपाललाई दिएको नेपालस्थित संयुक्त राष्ट्रसंघको कार्यालयले आज एक विज्ञप्ति जारी गरी जनाएको छ ।
‘कोषबाट प्राप्त उक्त रकमले राष्ट्रसंघीय निकायहरू – विश्व खाद्य कार्यक्रम (डब्लुएफपी), संयुक्त राष्ट्रसंघीय जनसंख्या कोष (युएनएफपिए) र लैंगिक समानता र महिलाको सशक्तीकरणसम्बन्धी संयुक्त राष्ट्रसंघीय निकाय (युएन वुमन) लाई पूर्वचेतावनी सन्देश प्रवाह गर्न, नगद र बृहत् राहत सामग्री (खाद्य तथा गैरखाद्य सामग्री, कम इन्धन खपत गर्ने खाना पकाउने उपकरणहरु, सोलर रेडियो, लत्ताकपडा, र कानुनी तथा मनोसामाजिक परामर्श जस्ता सेवा) उपलब्ध गराउन मद्दत पुर्याएको छ,’ विज्ञप्तिमा भनिएको छ ।
यसका अतिरिक्त सरसफाइ, मर्यादित तथा स्वास्थ्य सामग्री वितरण पनि गरिएको राष्ट्रसंघको कार्यालयले जनाएको छ ।
महिला र सीमान्तीकृत समूहहरुमा विपद्ले पुर्याएको खास प्रकारको असरलाई पहिचान गर्दै उक्त वितरणले प्रतिकार्यका सबै चरणहरुमा उनीहरुका आवश्यकतालाई सम्वोधन गर्न कोसिस गरेको बताइएको छ ।
फरकधारमा प्रकाशित कुनै समाचारमा तपाईंको गुनासो भए हामीलाई [email protected] मा इमेल गर्न सक्नुहुनेछ । यही इमेलमा तपाईंले आफ्नो विचार वा विश्लेषण, सल्लाह र सुझाव पनि पठाउन सक्नुहुनेछ । हामीसँग तपाईं फेसबुक, ट्विटर, टिकटक, युट्युबमा पनि जोडिन सक्नुहुन्छ ।
0
